Browsing Category

Eis Spiller am Ausland

Aus Iwwerzeegung

Eis Spiller am Ausland, Nationalekipp, Nationalspiller, Nations League By 2. August 2018 Tags: , , No Comments

Ganz Fussballlëtzebuerg ass momentan liicht opgereegt wann et ëm de Ryan Johansson geet. De gréissten Deel Opreegung gëllt natierlech dem Faite dat de lëtzebuerger U19/U21 Spiller mam groussen FC Bayern München op Virbereedungs- an US Tuer war an do an de Matcher géint de PSG, der Juventus a géint Man City vill ze spille krutt. Et kënnt net oft vir dat e Spiller deen zu Lëtzebuerg ausgebildt gouf an duerch ons U-Auswahlen gaangen ass op esou engem Niveau ze spille krutt.

Share:

Zréck zu de Wuerzelen !

Eis Spiller am Ausland By 16. Juli 2018 Tags: No Comments

Den Aurélien Joachim wiesselt bei den ambitionnéierte Royal Excelsior Virton.
De Lëtzebuerger Nationalspiller wiesselt domadder nët nëmmen an d’D1 Amateur (drëtt Divisioun) mä och zréck bei de Veräin wou hien seng éischt Schrëtt am Seniorsberäich gemeet huet (2004/05) an och nach an déi Stadt wou e gebuer ass.

Och wann de Wiessel op éischtem Bléck no engem Réckschratt kann ausgesinn, beim Royal Exelsior huet ee grouss Erwaardungen fir d’Zukunft.

No finanzielle Problemer huet de Veräin aus der Province du Luxembourg mam Flavio Becca ( F91) een néien Investor fonnt, deen dofir gesuergt huet dat « Les Gaumais » hir Lizens behale a lo kräfteg a néi Spiller investéiere kënnen.

Nieft dem Aurélien Joachim spille mam Dwayn Holter, Loris Tinelli a mam Lucas Prudhomme also véier Lëtzebuerger beim Veräin deen den Thomas Meunier ervirbruet huet.

Nieft de Lëtzebuerger Spiller si mam Vertéideger Laurentié, dem Stiermer Mohamed Soumaré, dem Trainer Marc Grosjean an dem Sportdirektor  Sébastien Grandjean wéider bekannten ex-F91 Akteuren zu Virton.

Fir den Aurélien Joachim ass et déi 13t Destinatioun ( RE Virton, VFL Bochum II, Alemannia Aachen II, Jamoigne, Déifferdéng03, F91 Diddeleng, Willem II, RKC Waalwijk, CSKA Sofia, Burton Albion, RWS Bruxelles, Lierse SK) a mat (bal) 32 Joer schéinnt sech de Krees fir onse Goalgetter ze schléissen. Mat engem Kontrakt vun 2 Joer plus Optioun kéinnt et déi läscht Etapp an der Carrière vum Auré ze sinn.

Share: