Browsing Category

Fussball national

Lëtzebuerg – Moldawien, Nullnummer Nummer 3

Allgemeng, Fussball international, Fussball national, Match Reports, Nationalekipp By 10. Juni 2015 No Comments

An engem Verglach géint eng Equipe op eisem Niveau huet d’FLF-Selektioun sech laang schwéier gedo. Schon no 14′ huet de Joubert misse mat enger Glanzparad eng Kappball-Chance klären, mä duerno gouf et esou wuel vun de Roude Léiwen nach vun hiere Gäscht moere Kascht ze gesinn, e Match dee keen all ze héige Rythmus dran hat, woubäi d’Lëtzebuerger awer méi um Ball waren an e bësse manner technësch Onzoulänglechkeete gewisen hunn, wéi Moldawien.

Share:

Prix du jeune espoir fir den Dwayn Holter

Eis Spiller am Ausland, Fussball national, Nationalekipp By 6. Dezember 2014 Tags: , No Comments

Am Kader vun der Wiel zum Sportler vum Joer krutt den Dwayn Holter de “Prix du jeune espoir 2014”.

Den 19järegen Mëttelfeldspiller vun der SpVgg Greuther Fürth huet um nationale Plang den Duerchbroch gepackt an duerch séng gutt Leeschtungen am Trikot vun de Roude Léiwen sëch eng Plaz an der Stammformatioun vum Luc Holtz erkämpft.
Géint Weltstars wéi Pirlo oder Iniesta huet den Spiller mat der Nummer 19 sëch ganz gutt verkaf a bild mam Lars Gerson momentan d’zentralt Mëttelfeld vum néien 4-4-2.

Bei sengem Veräin ass hien lo vru kuerzem bei d’U23 versat ginn. Do spillen d’Kléiblieder an der Regionalliga a brauchen dem Holter séng Qualitéit fir sëch ze retten.

Et brauch een sech fir den Dwayn Holter kéng Suergen ze maachen, säi Wee geet wéider biergop !

Share:

Um Wee

Eis Spiller am Ausland, Fussball national, Nationalekipp By 8. August 2014 Tags: , , , , No Comments

Wéi ët schéinnt ass en onglécklëchen Laurent Jans um Wee zréck an d’Heemecht. En iwwermotivéiert Katari huet am Testmatch zweschen den U20 vum Dundee FC an den U20 vu séngem Land dofir gesuergt datt dem Jans säin Test schonn no e puer Minutten zu Enn war. No engem Tackling huet onsen Nationalspiller missen ausgewiesselt ginn an krutt anschéinend no bruet datt et an deenen Ëmstänn kee Sënn mëscht méi lang a Schottland ze bleiwwen.
Am Quotidien erklären de Laurent a säin Agent, den Didier Philippe, datt de Manager vun Dundee FC de Laurent Jans gehalen hätt wann hien ondiskutablen Stammspiller gewierscht wier, dëst wier awer nët direkt de Fall gewierscht. Dem Jans séng Test-Odysee ass elo zu Enn komm an hien integréiert nees de Lëtzebuerger Championnat bei séngem Veräin, der Fola vun Esch.

Och wann onsen polyvalente Vertéideger e bessen geknickt ass muss een hien fir séng Motivatioun louwen. Nodeems hien dem Stades Rennes an d’Aa gefall ass huet hien och probéiert séng Chance zu Auxerre an zu Dundee ze kréien. Dozou gesellen sëch déi langunhalend Rumeuren datt den FC Metz Interessi um 22 Jäeregen hätt. Esou vill Lëtzebuerger Fussballsspiller packen et och nët an de Fokus vu Profiveräiner ze kommen.

Trotz séngem Talent feelt et dem Laurent Jans, no den Aussoën vu séngem Agent am Quotidien, nach un engem kléngem Fäintuning an ët bléiwwt d’Hoffnung datt de Jeff Strasser déi richtëg Riedecher a Bewegung sëtzt fir hien wéider ze bréngen. Als fréiere Profi ass den Fola Trainer de richtëge Mann fir dem Jans ze hëllefen déi néidëg Entwécklung ze maachen an de Sprong an de Profifussball ze packen.

De Laurent Jans ass nämlëch nach ëmmer um Wee.

Share:

Ëndlech ?

Fussball national, Nationalekipp By 5. August 2014 Tags: 2 Comments

Nët schlecht gestaunt hunn d’Zuschauer de Freiden op der Grenz oder de Méinden beim “Goal” kucken wou se den Gilles Bettmer gesinn hunn. Nieft den 2 Goaler déi hien fir säin FC Déifferdeng geschoss huet, huet hien duerch eng kierperlëch Fitness erausgestach.
Dem Tageblatt huet de Gilles erklärt datt hien nieft extra Trainingsschichten och eng Diät mescht an esou 5 Kilo ofgeholl huet an lo an enger Form ass an der mir hien scho laang net méi gesinn hunn.
Nët nëmmen d’Zuschauer vum Déifferdénger Fusiounsveräin freeën sëch iwwert déi Nouvelle mä och déi vun der Nationalekipp géiwen sëch e Retour vun engem Gilles an Topform wënschen. Den SC Freiburg-Schüler gëllt bei de Roude Léiw Supporter als e vun de Liiblingsspiller aus den leschten Joër mä hien huet sëch duerch séng Liewensastellung an -Hygiene sëlwer an d’Abseits gestallt. Séng Lescht Nominéierung läit lo schonn bal zwee Joer hier an am Ufank vum Joër huet de Nationaltrainer an engem Interview mam Wort ganz kritësch Wierder zum Bettmer geäussert.
Ët war um Bettmer dorobber eng Äntwert ze ginn an ët schéinnt wéi wann hien, endlëch, d’Kéier kritt ze hunn.
De Gilles Bettmer huet 2005 mat 16 Joër säin Début ënnert dem Hellers ginn an huet 1 Goal am Dress vun der Nationalekipp geschoss. Mat elo 25 Joër bleift dem Gilles nach genug Zäit fir säin aktuellen Selektiounenstand ( 58 ) ze vergréisseren an d’Hoffnung déi an hien gestach gouwen ze erfëllen.
Ëndlech…

Share: