Browsing Category

Fussball national

ROAD TO FRANCE – firwat net?

Allgemeng, Fussball international, Fussball national, M-Block, Nationalekipp By 11. Juli 2014 Tags: 2 Comments

D’WM steet kuerz virun hirem Ofschloss, d’Lëtzebuerger Veräiner hunn an Europa leider ze fréi missen Äddi soen – trotz deels gudde Leeschtungen – déi verbleiwend Veräiner si schonn erëm an der Preparatioun fir d’nei Saison an de Programm vun eise Roude Léiwen fir déi nächst 2 Joer steet och scho méi oder wéineger.

Alles wéi gehabt bis elo – oder dann awer vläicht net? Well en Vue vun der Euro 2016 an eisem Nopeschland Frankräich ginn a gewësse Supporterkreesser Gedanke gesponnen, déi vläicht net total abwegeg sinn: nämlech mat Gléck a Chance kënne bei deem Turnéier derbäi ze sinn! Verréckt? Sécher! Novollzéibar? Op alle Fall! Réaliséierbar? Net onméiglech!

Lëtzebuerg spillt an enger Grupp zesumme mat dem demontéierte Weltmeeschter vun 2010, Spuenien, mat der politesch onsécherer Ukraine esou wéi mat Wäissrussland, Mazedonien an der Slowakei.

Eng kleng Iwwersiicht iwwer dës Géigner soll eis elo e puer Argumenter liwweren, firwat een un esou eng Sensatioun kéint gleewen, och wa mer ganz virsiichteg bleiwen.

a) Spuenien: normalerweis gëtt et hei näischt ze radetten, weder doheem, nach auswäerts an eis Jonge wäerten och dem 1. an der Weltranglëscht a séngem Renouveau kaum wäerte Paroli bidde kënnen. Mä am Testmatch an Italien gouf gewisen, datt ee géint e fréiere Weltmeeschter (Plaz 9 an der Weltranglëscht) op engem gudden Dag kann eppes rappen. Pronostic: 0 bis 1 Punkt(en) an 2 Matcher géint Spuenien.

b) Ukraine: d’Ukraine ass 16. an der Weltranglëscht an u Frankräich an de Play-Offs fir Brasilien gescheitert. Normalerweis géif hei dat selwecht gëllen wéi fir d’Matcher géint Spuenien. Mä wéi wierke sech déi politesch Onrouen dohannen op d’Equipe aus? A besteet net esouguer de Risiko, datt d’Equipe, wéi deemools beim Biergerkrich a Jugoslawien, zerfällt a vill gutt Spiller net méi fir déi selwecht Natioun oplafen (kënnen)? Mä wa mer realistesch bleiwen gëtt et och hei de Pronostic: 0 bis 1 Punkt(en) an 2 Matcher géint d’Ukraine.

c) Slowakei: Virun 3 Joer hu mer géint d’Slowakei am Niwwel 2-1 gewonn, duerch 2 Goaler vum Dan Da Mota. Do virdrun an 2 Qualimatcher (2004/2005) 0-4 an 1-3 verluer. Mä dat waren aner Equipen! Mat Chance ass géint d’Slowakei erëm eppes dran, zemools eis Equipe sech weider entwéckelt huet. Pronostic: 1-3 Punkten an 2 Matcher géint d’Slowaken.

d) Mazedonien: 80. op der Weltranglëscht (37. an Europa). Virun 2 Joer hu mer 2-1 géint déi an engem internationale Frëndschaftsmatch gewonn. Interessant ze wëssen ass hei, datt Mazedonien 2 Plazen an Europa an 3 Plazen an der Weltranglëscht virun Aserbaidschan läit, géint déi mer an der leschter Campagne 2 Punkte kruten, der awer mindestens 4 hätte misse kréien. Gi mer dovunner aus, datt Mazedonien an Aserbaidschan op engem Niveau leien, komme mer op folgende Pronostic: 2-4 Punkten.

e) Wäissrussland: copy-paste fir Wäissrussland, 82. op der Welt, 38. an Europa, d.h. eng Plaz hanner Mazedonien, eng virun Aserbaidschan. Well mer traditionell awer géint Wäissrussland nach ëmmer gutt ausgesinn hunn, e liicht verbesserte Pronostic: 3-6 Punkten!

Lëtzebuerg kraucht op der Plaz 119 op der Welt ronderëm (46 an Europa vu 54). Natierlech muss alles klappen, d’Profien musse fit a gutt drop sinn, d’Equipe muss funktionéieren, soss sti mer séier och erëm mat 0 Punkten do. Mä bei där aktueller Equipe an der Entwécklung, wier dat Schwaarzmolerei. An et bleift ofzewaarden, ob de Luc Holtz senger Devis vun der leschter Campagne wäert trei bleiwen: nämlech méi Punkten ze kréie wéi an der Campagne virdrun. Dat wieren der dës Kéier mindestens 7. Wat awer net géif duergoen, fir 3. an der Grupp ze ginn, wat awer méi wier, wéi fir d’WM. Op der anerer Säit wäerten och eis “kleng” Géigner genau esou rechne wéi mir, nämlech datt et ni esou einfach wäert sinn, op eng Euro ze fueren wéi 2016.

Dofir ass et un eis all, un alle Futtballfrënn zu Lëtzebuerg, sech mat Abo’en an Tickéen anzedecken, de Stadion ze fëllen, Stëmmung ze maachen an eiser Equipe de Réck ze stäipen!

Maacht all matt bei eiser “Road to France!” – näischt ass onméiglech, wann een zesummenhält!

Roude Léiw – Huel se!

An hei sinn all d’Infos fir en Abo ze bestellen: //www.facebook.com/events/1557198084507630/?ref=3&ref_newsfeed_story_type=regular20140530-211858.jpg

Share:

Stadion: de lëtzebuerger Modell…

Fussball national By 29. Januar 2014 Tags: , , 1 Comment

De Fränk Goetz huet et geschter am Journal op RTL Tele Lëtzebuerg op de Punkt bruecht, wéi en vun enger “never-ending Story vun engem neie Fussballstadion zu Lëtzebuerg” geschwat. Et as nach keen halleft Joër hier, do huet den deemolege Staater Buergermeeschter Xavier Bettel erklärt, dass de Stade Josy Barthel renovéiert géif gin. Nodeems déi nei Staater Buergermeeschtesch (a Parteikollegin) Lydie Polfer awer elo gëschter ugekënnegt huet, dass et elo dann vlait awer net esou géif goen, an een neie Standuert géif gesicht gin, kann ee sëch wierklech d’Fro stellen, waat een hautesdags op d’Versprieche vun der Politik ka gin.

Share:

Harden Tubak vum Joachim

Eis Spiller am Ausland, Fussball national By 3. Juli 2013 Tags: , No Comments

D’Summerlach ass eriwwer …
An der “La Meuse” vum Mëttwoch 03.07.2012 liedert den Aurélien Joachim géint den F91 Diddeleng. Hien ënnerstellt den Dirigenten vum Fusiounsveräin ënner anerem Onprofessionallitéit. E Retour bei de Veräiner bei dem hien nach ëmmer ënner Kontrakt steet kennt fir onsen Nationalspiller net a Fro. Hien géif da ” leiwer e Joer ophalen” an “probéieren säi Kontrakt ze briechen”.
Grond vu senger Roserei soll de faite sinn datt hien schonn zwou Wochen op en Treffen mam F91 wart an nach ëmmer keng Äntwert kritt hätt. Hien erhofft sech dorausser e Bon de Sortie aus dem Kontrakt fir e gewessenen Präis.
De fréieren Willem II Spiller huet anscheinend Kontakter mat holläneschen an däitsche Veräiner. Den F91 géif awer zevill froën. Riets geet et ëm eng Somm ëm 200.000 Euro. Dëst wier zum Beispill fir Waalwijk en ze grousse Montant gewiescht.
Affaire à suivre

Share:

Breu vs. Hellers

Fussball national, Jugendnationalekippen By 28. Juni 2013 Tags: , , , , No Comments

Op wort.lu ass folgenden interessanten Interview mam President vum F91, dem Romain Schumacher, ze liesen :

//www.wort.lu/de/view/f91-praesident-reinhold-breu-fuehrt-krieg-gegen-guy-hellers-51cb2e5ee4b02fa5029bf5dc

Dat do confirméiert a sech dat, wat ech och schon vun Elteren héieren hunn, déi Kaméidi mam Breu hunn. Hannergrond ass wuel, datt de Breu probéiert esou mann wéi méiglech Spiller vun der Fussballschoul vum F91 ze integréieren a kategoresch e Problem mat där Fussballschoul ze hunn schéngt.

Wat bedenklech ass, ass datt esou wuel Guy Hellers, wéi och Paul Philipp viru Joren soten, datt déi Fussballschoul zu Diddeleng eng gutt Initiative wier a positiv fir de Lëtzebuerger Fussball. De Paul Philipp ass nun emol Chef vum Breu a muss oppassen, datt hien sech net vum Breu op der Nues ronderem danze léist.

Well trotz allen Differenzen gleewen ech, datt den Hellers éischter am Sënn vun de Jugendspiller handelt an ech wees aus sécherer Quell, datt de Breu dat net mecht. Bei him ginn net déi bescht Jugendspiller aus em Land geruff, mä déi, déi net mucken a wou d’Elteren kuschen. Wat jo am Sport kompletten Nonsense ass.

Ech hoffen emol datt d’Resultat tëscht em Gespréich Schumacher – Philipp ëffentlech gëtt an datt virun allem am Sënn vum Fussball an de Spiller diskutéiert gëtt ouni vill Gemauschels !

Share:

De Stef ass de Beschten

Fussball national, Nationalekipp By 3. Juni 2013 Tags: , No Comments

De Stefano Bensi gouf zum Futtballer vum Joer 2013 gewielt. Am “Challenge Guy Greffrath” huet hien vrum Marc Oberweis ( Jeunesse) an dem Thierry Steimetz ( F91) Plaz um Podium fonnt.
De Stiermer vun der Fola ass demno de Nofolger vum Aurélien Joachim, den am leschten Joer den Titel geholl huet.
De Stef, mat 20 Goaler beschte Buteur vum desjähregen Champion, huet den Titel ganz souverän mat iwwer 100 Punkten vrum Oberweis gewonnen.

Share: