Browsing Category

M-Block

Siwe Liewen wéi eng Kaatz ?

Allgemeng, M-Block By 9. September 2014 Tags: , 4 Comments

De Volléksmond schwetzt jo gäeren vun der Kaatz mat de siwe Liewen a muncher ënnersträichen dëst och mat Geschichten déi dëse Mythos beféieren. Ëch erënnere mëch oft un eng Geschicht déi ech erzielt krutt, ët soll mol eng Patrouille Polizisten wéinst enger tollwütëger Kaatz geruff gi sinn. Wou se Déier an engem Schapp fonnt hunn hätten se probéiert de Kueder ze fänken. Dëse war awer anschéinend esou agressiv datt d’Polizisten décidéiert hunn d’Déier ze erschéissen. Dir kennt iech bestëmmt firstellen wéivill Kugelen se gebraucht hunn bis de Kueder erleedegt war, genee siwen.

D’ M-Block Fanatics krutten scho puer Kugelen of, wéivill kann een net soën, de “Fanklub” loung och schonn oft am Koma mä huet sëch bis lo emmer nees opgerappt.

Klénge Bléck zeréck

20140909-101538.jpg

Am Joer 1995 hu sech e puer Léit zesummegeschloss fir den M-Block Fan-Club Luxembourg a.s.b.l op d’Been ze stellen. Aus deenen wéinëge Léit sinn der ënnerhalb e puer Méint schnell ëm déi 500 ginn. Beféiert vun der historëscher 96’er Europameeschterschaftqualifikatioun koumen d’Fans Masseweis an d’Kéier hannert dem Goal. Zur sëlweschter Zäit huet sëch nieft dem “M-Block” mat den “Ultras 95 Lëtzebuerg” e wéideren Grupp, awer kuerzliewegen, am Block gebildt.
An de folgende Méint konnt och schonn eng Choreographie an e Fanzine presentéiert ginn. Lëschteren huet sëch “Huel Se!” genannt.
Et huet dunn nach e puer Joer gedauert bis Auswaertsmätcher organiséiert gi sinn. Den M-Block ass dann och a sëlleche Länner onse Jongen nogefuer an huet hinnen den néidegen Support am Ausland ginn.

20140909-101701.jpg

Den Éisléckerboom

20140909-101810.jpg

Ëm d’Joerdausendwenn war et dunn awer mat der Herrlechkeet eriwwer, entäuschend Leeschtungen um Feld, Meenungsverschiddenheeten mat FLF a Sécherheetsfirmen, M-Blocker déi manner Zäit wéinst Famill an Arbëscht hatten, keen Zouwues a generellem Désinteressi un der Nationalekkip hunn dozou gefuert datt den M-Block kuerz vru séngem Enn stoung.
Den haarde Käer deen deemols nach am Block stung a gesongen huet, konnt e mat zwou Hänn zesummenzielen. Dës Léit hunn während laanger Zäit den M-Block artifiziell um Liewen erhallen an och bei ganz grausamen Prestatiounen um Terrain huet de “Spirit” vun engem Supportertum am Josy geweht. Lues a lues huet de “Fanclub” sëch erkritt an duerch en Zouwues vun ongevéier 50 Éislécker konnten d’M-Block Fanatics 95, wéi en sëch entretemps genannt huet, 2005 beim Match géint d’Slowakei 10 Joer féieren. Ët gouwen nees Tifo’en organiséiert, Versammlungen gehaalen, Auswaertsmatcher geplangt, den Austausch mat der FLF verbessert, sëch fir en néien Stadion ausgeschwat an den M-Block Forum krutt nees néien Opwand.

20140909-101925.jpg

E puer Gäng zeréck

20140909-102033.jpg

Mä och héi huet et e puer Joër gedauert an den M-Block huet lues a lues nees u Memberen verluer. Meenungsverschiddenheeten par rapport vun engem Tribunewiessel op d’Tribune de Face, M-Blocker déi manner Zäit hunn, Jonker déi an d’Ausland studéieren gangen sinn, eng manner gutt intern Organisatioun, etc hunn dozou gefuert datt nach lescht Weltmeeschterschaftkompagne ëmmer manner Léit de Wee an d’Kéier fonnt hunn. Den Internetsite an de Forum lungen ( a laien nach ëmmer) brach, den Banner war verschwonnen, wéinëg Nowues, wéinëg Stëmmung. Aus dem harde Käer vu Fréier blouwen der nëmmen nach e puer iwwrëg. D’Situatioun war net esou einfach an d’Zukunft vum M-Block war ongewëss.

Lëftchen oder Obwand ?

20140909-102624.jpg

Duerch eng attraktiv Spillweis a positive Resultater vun der Ekipp, d’Obruffen vun Aktiounen (z.B. “ALLez ROUD” beim Nordirland Heemmatch), Gestaltung vun Fanmatcher, koum nees e bësse Bewegung an datt Ganzt. Och onse Blog, huelse.lu, schéinnt bei de Léit nët schlecht unzekommen an indirekt och dozou bäizedroën datt den M-Block interessant ass oder gëtt. Den Nordirland Heematch war sécher e vun de schéinsten Erliewnisser vun de leschte Joër.
Beim éischten Heemmatch vun der EM-Quali 2016 géint Belarus war den M-Block nees gutt besicht, et gouf gesongen, Faarw bekannt, e March op de Stadion organiséiert. Datt den M-Block vun der FLF zum Gratisblock fir deen Match ernannt gouf huet de Fanatics sécher an d’Kaart gespillt an ët bléift spannend op den Trend och an Zukunft an déi selwescht Richtung geet. Elementar dobäi sinn d’Organisatioun, d’Vergréisserung vum haarde Käer, d’Relatiounen mat der FLF opriicht erhalen an datt de Verantwortléch andauernd fir Nowues suergen.

Wéi et schéinnt ass nët nëmmen um mä och nieft dem Terrain en Ëmbroch méiglëch, schonn beim Auswaertsmatch zu Genk huet en néi Gesichter gesinn an d’Léit erbléckst déi Verantwortung fir d’M-Block Fanatics 95 huelen kennen, mussen. An engem Joer bléisst den M-Block 20 Käerzen, do kennen sëch déi “néi” beweissen.

D’Fanatics kennen jo vun den fréieren Feeler a Problemer profitéieren fir de Fanclub ze stabiliséieren. Well wann datt mat de siewe Liewen stëmmt sinn och déi nët éiwëg.

Share:

ROAD TO FRANCE – firwat net?

Allgemeng, Fussball international, Fussball national, M-Block, Nationalekipp By 11. Juli 2014 Tags: 2 Comments

D’WM steet kuerz virun hirem Ofschloss, d’Lëtzebuerger Veräiner hunn an Europa leider ze fréi missen Äddi soen – trotz deels gudde Leeschtungen – déi verbleiwend Veräiner si schonn erëm an der Preparatioun fir d’nei Saison an de Programm vun eise Roude Léiwen fir déi nächst 2 Joer steet och scho méi oder wéineger.

Alles wéi gehabt bis elo – oder dann awer vläicht net? Well en Vue vun der Euro 2016 an eisem Nopeschland Frankräich ginn a gewësse Supporterkreesser Gedanke gesponnen, déi vläicht net total abwegeg sinn: nämlech mat Gléck a Chance kënne bei deem Turnéier derbäi ze sinn! Verréckt? Sécher! Novollzéibar? Op alle Fall! Réaliséierbar? Net onméiglech!

Lëtzebuerg spillt an enger Grupp zesumme mat dem demontéierte Weltmeeschter vun 2010, Spuenien, mat der politesch onsécherer Ukraine esou wéi mat Wäissrussland, Mazedonien an der Slowakei.

Eng kleng Iwwersiicht iwwer dës Géigner soll eis elo e puer Argumenter liwweren, firwat een un esou eng Sensatioun kéint gleewen, och wa mer ganz virsiichteg bleiwen.

a) Spuenien: normalerweis gëtt et hei näischt ze radetten, weder doheem, nach auswäerts an eis Jonge wäerten och dem 1. an der Weltranglëscht a séngem Renouveau kaum wäerte Paroli bidde kënnen. Mä am Testmatch an Italien gouf gewisen, datt ee géint e fréiere Weltmeeschter (Plaz 9 an der Weltranglëscht) op engem gudden Dag kann eppes rappen. Pronostic: 0 bis 1 Punkt(en) an 2 Matcher géint Spuenien.

b) Ukraine: d’Ukraine ass 16. an der Weltranglëscht an u Frankräich an de Play-Offs fir Brasilien gescheitert. Normalerweis géif hei dat selwecht gëllen wéi fir d’Matcher géint Spuenien. Mä wéi wierke sech déi politesch Onrouen dohannen op d’Equipe aus? A besteet net esouguer de Risiko, datt d’Equipe, wéi deemools beim Biergerkrich a Jugoslawien, zerfällt a vill gutt Spiller net méi fir déi selwecht Natioun oplafen (kënnen)? Mä wa mer realistesch bleiwen gëtt et och hei de Pronostic: 0 bis 1 Punkt(en) an 2 Matcher géint d’Ukraine.

c) Slowakei: Virun 3 Joer hu mer géint d’Slowakei am Niwwel 2-1 gewonn, duerch 2 Goaler vum Dan Da Mota. Do virdrun an 2 Qualimatcher (2004/2005) 0-4 an 1-3 verluer. Mä dat waren aner Equipen! Mat Chance ass géint d’Slowakei erëm eppes dran, zemools eis Equipe sech weider entwéckelt huet. Pronostic: 1-3 Punkten an 2 Matcher géint d’Slowaken.

d) Mazedonien: 80. op der Weltranglëscht (37. an Europa). Virun 2 Joer hu mer 2-1 géint déi an engem internationale Frëndschaftsmatch gewonn. Interessant ze wëssen ass hei, datt Mazedonien 2 Plazen an Europa an 3 Plazen an der Weltranglëscht virun Aserbaidschan läit, géint déi mer an der leschter Campagne 2 Punkte kruten, der awer mindestens 4 hätte misse kréien. Gi mer dovunner aus, datt Mazedonien an Aserbaidschan op engem Niveau leien, komme mer op folgende Pronostic: 2-4 Punkten.

e) Wäissrussland: copy-paste fir Wäissrussland, 82. op der Welt, 38. an Europa, d.h. eng Plaz hanner Mazedonien, eng virun Aserbaidschan. Well mer traditionell awer géint Wäissrussland nach ëmmer gutt ausgesinn hunn, e liicht verbesserte Pronostic: 3-6 Punkten!

Lëtzebuerg kraucht op der Plaz 119 op der Welt ronderëm (46 an Europa vu 54). Natierlech muss alles klappen, d’Profien musse fit a gutt drop sinn, d’Equipe muss funktionéieren, soss sti mer séier och erëm mat 0 Punkten do. Mä bei där aktueller Equipe an der Entwécklung, wier dat Schwaarzmolerei. An et bleift ofzewaarden, ob de Luc Holtz senger Devis vun der leschter Campagne wäert trei bleiwen: nämlech méi Punkten ze kréie wéi an der Campagne virdrun. Dat wieren der dës Kéier mindestens 7. Wat awer net géif duergoen, fir 3. an der Grupp ze ginn, wat awer méi wier, wéi fir d’WM. Op der anerer Säit wäerten och eis “kleng” Géigner genau esou rechne wéi mir, nämlech datt et ni esou einfach wäert sinn, op eng Euro ze fueren wéi 2016.

Dofir ass et un eis all, un alle Futtballfrënn zu Lëtzebuerg, sech mat Abo’en an Tickéen anzedecken, de Stadion ze fëllen, Stëmmung ze maachen an eiser Equipe de Réck ze stäipen!

Maacht all matt bei eiser “Road to France!” – näischt ass onméiglech, wann een zesummenhält!

Roude Léiw – Huel se!

An hei sinn all d’Infos fir en Abo ze bestellen: //www.facebook.com/events/1557198084507630/?ref=3&ref_newsfeed_story_type=regular20140530-211858.jpg

Share:

“ALLez ROUD”- e Fazit

Allgemeng, M-Block, Nationalekipp By 12. September 2013 Tags: No Comments

Vrun e puer Wochen huet HUELSE zu der “ALLez ROUD!” Initiative opgeruff. Ziel vun der Aktioun war esou vill Léit wéi méiglech sëch a rouder Kleedung zum Lännermatch géint Nord Irland op de d’Arler Stross ze mobiliséieren. An dozou goufen och nach e Fanmatch organiséiert an et gouf zum Fouerapéro an engem Fan-Marche opgeruff.

De Fanmatch zu Hueschtert huet am freien Metten iwwer 80 Zuschauer ugelackelt. Gréisstendéels waren et der vum Norden vun der grénger Insel. D’Supporter vun Lëtzebuerg an déi vun Nord Irland hatten hinnen bei dem 2×35′ langem Match eng flott a rasant Partie geliwwert. Mat 1-3 hunn sëch déi Roud misse schlussendlëch geschloën ginn. Eng gutt Stëmmung um an nieft dem Terrain déi och nach mat an d’Buvette vum US Hostert eriwergeholl ginn ass. Déi vum Veräin gegrillten Wurschten waren zum Schluss ausverkaf an iwwer 120 Liter Béier sinn duerch d’Zaapanlag gelaf. Deen en oder anerenass schlussëndlech awer méi spéit wéi geplangt op d’Fouer wéidergangen. E flotte Start an den Dag bei deenen d’Supporter an de Veräin deen ons wëllkomm geheescht huet als Gewënner genannt dierfe ginn.

20130911-224145.jpg
Den Apéro op der Fouer huet och eng 80 Léit ugelackelt an um Fanmarche duerno hunn sech nach eng jet Zuschauer beigefügt. Am grousse Ganzen war déi gutt Stëmmung um Rendez-Vous an déi meescht Lëtzebuerger hu sech um Wee an de Stadion nach mat dem engen oder aneren Nord Ir ënnerhalen. Déi waren vrum Match nach all zimlëch optimistësch datt hier Equip déi dräi Punkten mat Heem huelen géif.
Nom Match de selweschten Szenario nëmmen d’Dialoguen waren anescht. Zu onsem Plaiséier. Et war awer unanim datt déi lëtzebuerger Victoire verdéngt war. De Fanaustausch ass och nom Match weidergangen ob op der Strooss oder op der Fouer bei engem Himpchen.

Ët ass natierlëch elo schwéier eng objektif Berwertung iwwert d’Resultat vun der Initiative ze machen vu datt mir elo nët mat Froëbei duerch de Josy gelaf sinn fir ze froën ob se a) huelse.lu kennen b) wéinst der Initiative de Wee an de Stadion fonnt hunn an c) hieren rouden T-Shirt nach an der Wäsch läit, an esou wéider.

Subjektiv betruecht war “ALLez ROUD!” en totalen Erfolleg well et schéinnt wéi wann den M-Block aus sénger Lethargie erwecht gouf. Säit gewësser Zäit wor de Block esou eidel wéi e Cactusparking op engem Sonndenowend. Stëmmungstechnesch woren déi lescht Partien och net déi glanzvollst an der Geschicht vun de Fanatics. Den 10 September 2013 war net nëmmen den Dag vum Ufank vun enger néier fussballerescher Era mä och d’Néigebuert vum M-Block.
Och wann d’Initiative nët nemmen op den M-Block gericht war schéinnt déi der “Kéier” am meeschten gefall ze hunn an zu Honnerten sinn se dem Opruff nogangen.
Op den aneren Tribunen wor déelweis och eng besser Stëmmung wéi gewinnt.
Bei dem turbulenten an intensive Match ass de Fonken vun der Equipe op dRäng eriwwer gesprongen. Eng gutt gefëllten Tribune de Face déi matséngt, matféiwert an opsteet. Wiesselgesäng Tribune de Face-M-Block , wéini gouf et datt scho méi ?
Trotz dem schlechte Wieder an dem onkomfortablen, net iwwerdachtem, Stadion hatten 4400 Léit dem Match bäigewunnt. Datt sinn graff gerechnet ëm déi 3100 Lëtzebuerger Futtballsfrënn.
Déi attraktiv Art a Weis vun onse Léiwen ass natierlech den Haaptgronn vun dem Opschwong. An och bei der Facebooksäit vun huelse.lu hunn d’Likes sech quasi verduebbelt an iwwer 200 Persounen hatten am Virfeld uginn bei “ALLez Roud!” deelzehuelen. D’Nationalequip wäert jo net sexy ginn ?

Luxemburg - Schottland

“ALLez ROUD” huet awer och vill Froën opgeworf. Beim Tageblatt-Interview huet de René Peters wichtëg Remarquen iwert d’Supporter gemeet an de Wonsch vun der Nationalequipe ausgedréckt eng Léisung ze fannen datt och bei klenger Unzuel vun Zuschauer e gudde Support méiglëch ass. Hier Ennerstetzung hu mir op alle Fall.
De Problem vum Marketing vun der FLF gouf genannt an iwwer Froen vu Supporter,via privater Noricht an Kommentairen op Facebook,bestätegt. Fehlend Präsenz an de Medien an am Internet. Keng Méiglechkeet fir Onlineticket’en ze kafen, Fanshop deen net up-to-date ass. Onwëssen vun den Zuschauer iwwert d’Virverkaafsplazen, d’Billjetspräisser an der Existenz vun engem Abo.
Problemer déi relativ einfach ze léisen wären. Mir missten an Zukunft och kucken,wann esou Initiativen an d’Liewen geruff ginn, ons mat der FLF zesummen op en Dësch ze setzen an dann zesummen no Méiglechkeeten ze kucken.

Haut koumen schonn e puer Ufroën eng néi Initiative fir de Match géint Russland ze starten. Och wann Initiative net ze oft benotzt solle ginn a just punktuel a Betruecht gezu solle ginn. Well sos notzen se schnell of a verléieren u Bedéitung. De Match géint Nord Irland war scho genug Reklamm fir de lëtzebuerger Fussball an ween et elo net op den Terrain bewegt deen versteet et wahrschéinlëch ni. Op der anerer Säit ass et de leschten Heemmatch an e klengen Merci un d’Spiller wier jo och net verkéiert. Mol kucken watt sech an der Supporterszene deet.

Mir soën jidderengem Merci deen ons gehollef huet d’Initiative an dLiewen ze rufen an se duerch ze zéihen. Do zielen ënnert anerem ons grouss Dageszeitungen déi ons eng Plateforme gebidden hunn ( an och mat rouder Kleedung an de Josy koum sinn), den US Hostert fir d’Infrastrukturen, d’FLF fir Trikot’en fir de Fanmatch, “Our Wee Country” fir déi gutt Equipe déi se ons als Géigener gestallt hunn, all Liker, Lieser vun Huelse an all déi aner Supporter déi d’Fansinn vun der Nationalequip um Liewen erhalen.

Luc holtz letz nordirland

Luc holtz letz nordirland


D’Schlusswuert huet den Luc Holtz (aus dem Tageblatt):

„Tageblatt“: Welchen Anteil haben die Zuschauer an dem Sieg gegen Nordirland?

Luc Holtz: „Die Zuschauer haben einen sehr großen Anteil am Erfolg. ‘Ech wëll hinnen all Merci soen.’ Sie haben uns die ganze Begegnung über bedingungslos unterstützt und die Stimmung war wirklich toll. Als Spieler kann man mit solch einer Zuschauerkulisse immer ein paar Prozent mehr aus sich herauskitzeln, das habe ich selbst als Spieler auch erlebt. Diesen Erfolg haben wir auch den vielen Zuschauern zu verdanken, die am Dienstag im Stadion dabei waren.“

Share:

De Ludovic Bois am Interview

Allgemeng, M-Block By 6. September 2013 Tags: 1 Comment

Den 10.09.2013 spillt net nemmen ons Nationalequipe géint Nord Irland mä och hier Supporter treffen sech um 14h um Terrain vum US Hostert fir e Futtballsmatch. Den Ludovic Bois, Trainer vun den Lëtzebuerger Supporter, huet sech e bessen Zäit geholl fir huelse.lu.

Huelse :Herr Bois, wéi geet et ärer Equip ? Wéi lafen d’Preparatiounen ?

Ludovic Bois ( LB) : ( dreckt seng éischt vun villen Zigaretten aus) Watt ass datt dann fir eng Fro !? Ech sinn den Trainer dofir kann et nemmen gutt lafen. Jongen Mann, stell wann ech glifft richteg Froën oder ech ginn elo awer a mäi Zumba Cours !

Huelse: ähm, also wéi schätzt dir d’Nord Iren an ?

LB : Grouss, schwéier, lues oder kléng, ronn an extrem lues. Ausser et geet biergof ( lacht iwwert säin eegenen Witz, mir trauen ons net net ze lachen)

Huelse : Erklärt onse Lieser mol ween dir sidd.

LB: Fir déi puer Kulturbanauzen déi mech net sollten kennen, ech hunn den Neururer fir säi Schnurres inspiréiert, ech war mam Gasgoigne an engem Zemmer an der Klinik, war den däitsch Léierer vum Trapattoni an war dem Daum säi Koiffer. Datt ass mol en kléngen Deel vu menger Vita. Donieft hunn ech den FC Café du Coin bis zur Göllen Liewer gecoacht. ( bestellt sech nach e Cola-Wäin a geheit seng Zigarette a mäi Waasser)

Huelse : Datt ass wierklech impressionnant. Watt huet iech dann dozou bewegt d’ Lëtzebuerger Supporter z’iwwerhuelen ?

LB: Ech mengen ech leiden ënnert enger krasser Form vum Helfer-Syndrom. Hu dir d’Equip scho gesinn ? Grausam, den en kritt seng Fläsch mol net mat engem Briquet op ! Do hunn ech him se aus dem Grapp gerappt, de Stopp mat den Zähn erofgeholl, d’Fläsch op Ex gekippt an se dunn widdert d’Mauer geschmass. Den Läppchen soll sech net méi weisse loossen.

Huelse: Wéi gesäit är Taktik dann fir den Dënschden aus ?

LB: Schéin. Wuelgeformt. Stramm. Ganz Stramm fir ieren Alter ( huet de Bléck op der Wirtsfra hieren Decollté geritt). Watt war déng Fro ?

Huelse : Är Taktik fir de Match… Wéi spille mir ?

LB: ( Lacht hysteresch, grunzt, schléit mat den Hänn op den Dësch ) 2 mol 45 Minutten, 11 géint 11 an an kuerze Bochsen !

Huelse: Vill Gléck…

Share:

De ganzen Dag nom Motto “ALLez ROUD”

Allgemeng, M-Block, Nationalekipp By 31. August 2013 Tags: , , , 2 Comments

Den 10 September 2013, Dag vum Retour Lännermatch vun onse Léiwen géint Nord Irland, ginn et fir d’Supporter vun der Nationalequipe am ganzen dräi rendez-vous’en.

Um 14 Auer gett zu Hueschtert am Stade Jos Becker de Fanmatch Lëtzebuerg-Nord Irland ugepaff. Déi Lëtzebuerger Selektioun besteet zum groussem Déel aus deenen Supporter déi am Himatch mat op Belfast waren. D’Iddi vun der Néigebuert vum Fanmatch koum ons do bei engem Pint bekanntem brongem irësche Béier mat onse Géigener vun engem Owend.

20130831-075143.jpg

20130831-080226.jpg
An der Vergangenheet koum et schonn déi eng oder aner Kéier zu engem Fan Match zweschen Supporter ( ënner anerem Wales a Liechtenstein) mä leider sinn déi Matcher zimlech rare ginn.
Eng bont gemeschten Equipe aus Supporter aus dem M-Block, der Tribune de Face an natierlech ass och HUELSE.LU derbei, probéiert bei dem Match de Gronnsteen fir eng Serie vu Victoiren ze leeën.
Den Entrée ass fräi an den US HOSTERT mecht natierlech och hier Buvette op. Flott Stëmmung ass garantéiert.

Watt wär en Lännermatch während der Fouerzäit ouni de bekannten “Apéro op der Fouer” ? Nom Fanmatch treffen sech d’Lëtzebuerger Supporter dann fir e Patt op der Fouer. D’Astëmmen fir den Lännermatch ass dann um Héischpunkt. Traditionnel sinn d'”Fouermatcher” déi beléifsten bei den Supporter. Wann dir iech froot firwat datt de Fall ass da kommt lanscht ! Géint 17h30 Auer wäert et um Glaçis las goën.

Als ultimativen Héijpunkt gëllt awer natierlech de Lännermatch Lëtzebuerg-Nord Irland. Den Hi-Match war mat engem 1-1 zu Ënn gangen. Den Dan Da Mota hatt deemols mat engem ofgefälschtem Schoss de Gol zum Gläichspill geschoss an fir vill Freed am lëtzebuerger Camp gesuergt.

20130831-075838.jpg
Packen ons Léiwen et dës Kéier och e positivt Resultat géint “Norn Iron” ze erspillen ? Mam Support vun dausenden Lëtzebuerger wier et méiglech. Dofir ruffen mir all Frënn vum ronne Ball an der Nationalequipe op dem Lännermatch e flotten Stëmpel opzedrecken. Tréi nom “ALLez ROUD” Motto si der gebieden den Dag all mat engem Rouden Trikot vun der Nationalequipe oder neutralem roude Pullover, Hierm oder T-Shirt op d’Arler Strooss ze kommen an et krachen ze loossen.
Nieft dem Lännermatch ass et och den 5 järegen Gebuertsdag vun onser Victoire an der Schwäiz.

20130831-080019.jpg

Share: