Browsing Category

Nationalekipp

En 1-1 am Testmatch geint Metz

Match Reports, Nationalekipp By 29. Januar 2013 No Comments

Op engem verreenten killen Dënschden Owend trennt sech ons Nationalequipe mat engem 1-1 vum FC Metz.
De Luc Holtz huet d’Equipe an engem klassechen 4-4-2 opgesaat. Folgend Equipe stoung am Ufank um Terrain : Joubert – Jähnisch/ Hoffmann/Schnell/Jans- Da Mota/Peters ( cap)/ Philipps/ Laterza – Deville/Bensi.
Déi Ronn 150 Zuschauer hunn eng solid Leeschtung vun onse Léiwen, déi ouni Joachim, Gerson a Mutsch opgetrueden sinn,gesinn. Ausserdem huet och den Payal weinst Verletzung op en Asatz verzichten missen. Och wann d’Grenats wuel e bessen méi Ballbesëtz hatten, waren déi bescht Chancen op onser Säit. Mat e bessen méi Verméigen hätte mir an den eischten 45 Minutten och 1,2 Goaler schéisse kennen. Ënnert anerem hatten Bensi an Da Mota Chancen aus spëtzem Wénkel. D’Stiermer vu Metz hatten wuel och e puer Goalchancen mä 100 Prozentëscher waren kéng dobäi. An dobäi huet ons néi forméiert Innenvertéidegung och e puer Cado’en a Form vu Stellungsfeeler presentéiert. Kee Wonner vu dat d’Paire Schnell/Hoffmann jo nach net esou oft zesummengespillt huet.
An der zweeter Halschent gouf et dunn eng Réi Wiesselen. Ënnert anerem koum den Turpel fir den Deville. De Bensi ass och e bësse méi zréck gezu ginn an huet als 9,5 gespillt. Den Philipps ass nieft de Schnell an d’Innenvertéidegung gereckelt an den Hoffmann huet am defensive Mëttelfeld Plaz fonnt.De Laterza huet och mam Jans Positioune getosch. De éischtgenannte war och den aktiivste Spiller um Feld. Hien huet am defensive Spill net vill ubrennen gelooss an de Spiller vun der Fola wosst och am Spill no vir ze iwwerzeegen. Gescheit Säitewiessel, Debordementer an Ofschlëss stoungen um Programm.
Ab der 65 Spillminutt huet d’Spill e bëssen gelidden an et huet gewierkt wéi wann ons Spiller e bësse midd wieren. D’Metzer hunn do d’Heft e bësse méi fest an d’Hand geholl mä sinn awer nëmmen op Corner geféierlech ginn. Bei deenen Aktiounen huet de Joubert munchmol net ganz glécklech ausgesinn. Desen huet duerno awer zwou ganz flott Parade gewisen an huet ons am Match gehalen.
An der 84 Minutt huet dunn den Turpel zougeschloën. No enger gudder erausgespillter Aktioun iwwer lénks koum de Spiller vun der Etzella op der Strofraumgrenz un de Ball an huet mat engem flotte Crochet säi Géigespiller stoe gelooss. Äiskal huet hien duerno laanscht de Goalkeeper zum 1-0 eragesaat.
E puer Minutte méi spéit huet Metz ausgeglach an de Match war dunn och scho fäerdeg.
Fazit : e verdéngten 1-1 wou kee Leeschtungsennerscheed mat de Profien aus der Lorraine ze gesi war. E gudden Testmatch fir de Lännermatch geint Armenien ze prepareieren wou den een oder aneren bewissen huet dat hien hannert onsen dräi Profien Drock maachen kann.

Share:

Level up Super Mario !

Fussball international, Nationalekipp By 17. Januar 2013 Tags: , No Comments

Onsen Nationalspiller, deen fir dem Saibene séng Jongen vu St Gallen opleeft, huet dem Quotidien séng Ambitiounen fir dei noh Zukunft matgedeelt. De Mario Mutsch an séng Matspiller sinn als Opsteiger d’Iwwerraschung an der AXPO Superleague. No enger fulminanter Hironn beleeën se déi 3t Plaz. De “Super Mario” ass als Stammspiller um Posten vum rietsen Ausseverteideger e vun de Fundamenter vun deser Sensation. Level Up Mario, Europa schéint gräifbar !

liest den Artikel hei

Share:

pop pop populär pop !

Allgemeng, Nationalekipp By 12. Januar 2013 Tags: , , , 1 Comment

Mam Duerchbroch zu Stammspiller an hire respektive Veräiner hunn ons dräi Profien, Gerson, Mutsch a Joachim natierlech och eng gewësse Popularitéit erreecht. Wéieen Spiller méi Trikot’en verkaf huet a ween déi Meescht Likes op Facebook krut kennt dir hei liesen.

Huel Se! erklärt iech wéi dir un d’Trikot’en kommt a weivill dir spueren musst:

Mario Mutsch : den FC ST GALLEN huet en online shop. Präis mat Porto a Verpackung : 140 Franke wat ëmgerechent 114,85 Euro mécht.

Lars Gerson : Och den IFK NÖRRKOPING huet en online Shop. Leider liwweren se nëmmen a Schweden. Vu dat momentan d’Saison eriwwer ass si just nach déi al Modeller disponibel an dat a Kannergréissten. Präis ouni Flocage a Schweden geliwwert an als Kannergreisst ëm déi 700 Krounen, wat ongeféier 82 Euro ausmaachen. Falls mir en anere Wee fannen gi mir iech natierlech Bescheed.

Aurélien Joachim : Op der Willem II-Säit gëtt en, wann een op den Online Shop dréckt, op e groussen holläneschen Internet Fussball Shop weidergeleet. Do kann een sech eng Réi Supporter Artikel kafen awer keen Trikot. Dir musst der Marketingchefin, Paulien Heerius, eng Mail ( paulien.heerius@willem-ii.nl ) mat der gewënschter Gréisst, Modell, Unzuel, Flocage a är Donnée schécken. Präis vum Trikot 49,95 Euro , de personaliséierte Flocage kascht der 15 an d’ Verschécke kascht och ëm déi 15. Also en Total vun ongeféier 80 Euro.

Oder dir kaft ierch d’Trikot’en bei engem Besuch op engem vun ieren Fussballsmatscher.

Share:

Dräi Néier am FLF Kader

Nationalekipp By 4. Januar 2013 No Comments

Den Dënschden flitt ons Nationalequipe zum Trainingslager an d’Tierkei. De Stage zu Belek dauert bis de 15 Januar. Mat dobäi sinn fir déi éischte Kéier den Ricardo Delgado (Jeunesse), Michel Bechtold (Grevenmacher) an de Ryan Klapp (RFCU Lëtzebuerg). Nët dobäi sinn de Charel Leweck, de Laurent Jans, de Ben Payal, de Lars Gerson, de Mario Mutsch an den Aurélien Joachim ( den mat Willem II am Trainingslager zu…….Belek ass ).

Hei de Kader :

Daniel da Mota (F91), Stefano Bensi (Fola), Gilles Bettmer (Differdingen), Ante Bukvic (Differdingen), Dan Collette (Jeunesse), Clayton de Sousa (Jeunesse), Nenad Dragovic (RFCUL), Eric Hoffmann (Jeunesse), Dwayn Holter (Greuther Fürth), Mathias Jänisch (Differdingen), Jonathan Joubert (F91), Tom Laterza (Fola), Kevin Malget (F91), Massimo Martino (F91), Ricardo Aleixo Delgado (Jeunesse), Philippe Hahm (Etzella), David Turpel (Etzella), Michel Bechtold (Grevenmacher), Marc Oberweis (Jeunesse), René Peters (RM Hamm Benfica), Tom Schnell (Fola), Ryan Klapp (RFCUL)

 

source : //www.wort.lu/de/view/holtz-beruft-drei-neulinge-50e5a495e4b01992f27d40ba

Share: