Browsing Tag

Fanmatch

3-8 Néierlag géint d’ukrainësch Supporter

Allgemeng, EM-Quali 2016, Fannationalekipp By 28. November 2014 Tags: , , No Comments

Esou lang huet e sécherlëch nach ni gewart fir e Spillbericht ze liesen. Wenn dorunner Schold ass do däerfen sëch d’Lieser eng eegen Meenung bilden, déi eng soën et ass déi vum Autor vun dësen Zeilen wëll hien e Kabel verluer huet ouni deen hien kéng Foto’en op säi PC eroplueden konnt, den Autor gëtt dem Trainer Dubois d’Schold well deen bis haut verschwonnen war.

Awer alles no sénger Zäit.

Als éischt gi mir mol bal zwou Wochen, besser gesot op den 15ten November, zeréck. Do hunn um fréien Moien d’Supporter vun onse Roude Léiwe géint hier Ukrainësch Kollege zu Houschtert Fussball gespillt.
Mëtt Oktober huet en ukrainësch Matbierger, de Nicolas Zharov vun der Organisatioun LUkraine, op Facebook en Opruf gemeet a gefrot op mir eng Fanekipp op d’Been gestallt kréien fir e Match géint ons ukrainësch Homologuen ze maachen. Dunn hu mir relativ schnell alles organiséiert (Terrain, Ekipp, Uniform) a Samsdes um 11h konnt ët dunn las goën.

IMG_1264

De Match huet 2×35 Minutte gedauert, d’Ukrainer hatten eng zwanzëg Léit dobäi déi kicken wollten an nach gutt 30 Supporter an e Kamerateam vun engem ukrainëschem Sportssender.
Trotz engem ganz gudde Start vun onser Ekipp stoung et schnell 0-1 fir d’Gäscht an no 20 Minutten hunn ons Fuerwen den héishverdéngten 1-1 geschoss. Duerno hu mir awer ons Linn vermësse geloss an déi Kompakthéet vum éischten “Drëttel” war léider verschwonnen. D’Gäscht hunn dovunner profitéiert an zur Paus stoung et 3-1.
Den Trainer huet dunn entscheed op eng 3-5-2 Formatioun zréckzegréiwen. Dëst war awer ze héich gegraff an d’Ukrainer hunn dunn relativ schnell nach 2 Goler geschoss. Ons Ekipp huet sech dunn e bëssen zesummengerappt a krutte folgerichtëg en Elefmeter zougesprach deen och äiskal eragenetzt gouw.

De Misch freet sech iwwert säin erausgehuelenen 11Meter

De Misch freet sech iwwert säin erausgehuelenen 11Meter

IMG_1275

D’Ukrainësch Bänk

An der Schlussphas sinn dann nach wéider Goler gefall sou dass et zum Schluss 3-8 ausgangen ass.
Der gudder Stëmmung huet dëst awer net geschuet an et ass, nom Duschen an der Buvette wéidergangen. Déi drëtt Halschent ass dunn och grandios vun de Lëtzebuerger gewonne ginn.

IMG_1281

 

E grousse Merci un den Nicolas Zharov, den ukrainëschen Supporter, dem US Houschtert ( Installatiounen, Arbitterm Buvette, den Uruff an déi rumänesch Pizzeria ) an der FLF fir de Set Uniformen

 

D’Supporter vun der Ukraine hunn och e Video zesummengebastelt. Vun der 1ter bis 5ter Minutte huet en Auschnëtter vum Fanmatch.

 

 

INTERVIEW MAM LUDOVIC DUBOIS

“Um Béier net ze schloën”

Huelse :Herr Dubois, wéi kennt et datt dir nom Match verschwonne wart a mir réischt haut vun iech ëppes héieren ?

Ludovic Dubois (LD): Männi, komm mir net esou domm. Ech sinn en erwuesene Mann an ech si kéngem eng Erklärung schëlleg.

Huelse: Bei allem Respekt, dir wart jo schonn déi drëtt Halschent net méi do an hutt domadder d’Victoire um Glas net mat erliewt.

LD: Um Béier si mir einfach net ze schloën, datt stëmmt schonn an ech muss iech och soën datt dee Sieg mir vill bedäit. Watt fir déi aner Ausdauertraining ass ass bei ons de “Bingedrinking”. Dat vill Katzen huet sech gelount !

Huelse: Herr Dubois, et gi vill Rumeuren waat ärt Verschwannen betrëfft. Kennt dir ons dann, wierklëch, net erklären wou dir dru wart ?

LD: U sëch liesst dach souwisou kee Mënsch äre Blog, ech riskéieren jo näischt. ( Hëllt eng déck Schlupp aus sengem Flachmann) Da lauschter mol gutt no Béiw’chen. Du wees jo datt ech e bëssen an Asien ennerwee war, an dat net nemmen wéinst de Maisecher mä ech hatt jo och e bessen mat Fussball ze dinn. An e vu menge Kollegen vun dohannen war och um Match an huet mëch besicht. Ech ka mech nemmen nach drunn erënneren dat ech hien emamt hunn an zacki! ALLES Schwarz !!! Wéi ech dunn erwescht sinn sungs ech am Estadio Olimpico di Serravalle an hunn mat mengen Thai-Frënn den 0-0 vum Zwergestaat erlieft. Do war eng las, ech konnt esouguer mat menge Frënn an d’Vestiaire goën. Mat den San Mariner ze féieren hatt ëppes mä ech hu mech och gefreet datt d’Esten esou frou waren mëch a meng Begleeder ze gesinn. Anschéinend sinn ech och am héichen Norden bekannt. An déi Thailänner sinn och formidabel, hatten fir all Est e klengen Cado !

Huelse: ee Moment, dir wëllt mir erzielen datt dir zu San Marino zou iech kommt an iech mol net frott watt geschitt ass ?

LD: Du bass esou séiss Nemo. Wanns de esou wéi ech schonn an engem Zoo, plackëg um Réck vun engem Elefant, wackrëg gi bass oder um Ruder vun der Marie-Astrid um Mëttelmier da schockt dëch näischt méi.

 

Huelse: Zréck zum Fussball, wéi gessäit et dann elo an Zukunft mat iech an der Fannationalekipp aus ?

LD: Wéi soll datt ausgesinn ? Hunn dach eng propper Bilanz ! Ech machen wéider an d’Spiller probéieren iergendwéi mam Ball eenz ze ginn. Déi nächst Matcher stinn un. Mir spillen lo eng Serie vu Frënndschaftsmatcher. Ech sichen nach e Géigener. Am léifsten eng Poussinsekipp déi mat schéine Mammen ugereest kommen.

 

Huelse: Merci fir d’Gespréich

LD: As näischt mä nerv mech lo léiwer e  puer Méint net mat déngen dommen Froën do.

Share:

Fanmatch Lëtzebuerg-Ukraine

Huelsenetzeeescht, M-Block By 11. November 2014 Tags: , 2 Comments

De Samsdeg 15ten November 2014 spillt ons Lëtzebuerger Fannationalekipp e Match géint eng Auswiel vun ukrainesche Supporter.

Wéi scho géint Nordirland ass och dës Kéier de Ludovic Dubois den Trainer.

Huelse hatt d’Éier hien fir e kuerzen Interview um Telefon ze erreechen.

Herr Dubois, schéin nees eng Kéier eppes vun iech ze héieren. Wou sidd dir da lo drun ?

Moie Kléngen. Wéi et onschwéier um Kaméidi ze erkennen ass, setzen ech grad zu Pataya an enger Bar a waarden drop datt dëst Gespréich zu Enn ass fir mol richtëg lass ze leeën.

Dir sidd an Thäiland ? Waat macht dir dann do ?
Ma wat mengs du dann? Datt wëlls du net wësse sos muss de direkt beichte goen ( haart Gelaachs a Gegrunz ). Ech hu mech hei niddergelooss well ech war es midd ëmmer nees vun der ADEM gesot ze kréien ech wier iwwerqualifizéiert a se kéinte mir keng Aabescht fannen. Sou ass datt wann’s de 20 Joer an d’Schoul gaange bass.

Mä wann ech mech richteg erënneren hued dir dach just eng 9ième Modulaire ?
An dann ? 20 Joer sinn 20 Joer just héi an Thailand net ( schonn nees laacht en sech en Eck ewëg)

Watt hutt dir da lo dohanne gemeet ?
Ma ech war Rettungsschwëmmer an hunn eng gewëssen Zäit do um Strand geschafft. Ech soen dir eppes, Männchen, esou en Ubléck haas du nach ni. Datt ass e Genoss deene Meedëcher hei nozekucken. Schued datt se mech no 3 Wochen eraus gehäit hunn. Mä datt ass e Skandal, wéi konnt ech wëssen datt een dofir Schwamme kënne misst !

Ok, da komme mir zu engem aneren Thema. En Trainer, wéi dir e sidd huet, jo bestëmmt net vum Terrain loosse kennen.
Datt sees de gutt Jéng’chen. Ech hunn hei eng Ekipp trainéiert, zweet Liga, onméiglechen Numm. Datt war e bësse kurios. Krut mol heinsdo eng Enveloppchen an hunn dei dem Arbitter weiderginn. An zack, 3 Goaler an der 90ster, 97ster an 105 Minutt. Trotzdem krut ech Problemer well et net gutt ukomm ass wéi ech menger Ekipp gesot hunn mir sollen e Match verléieren. Wa mir gewonnen hätten hätte mir de Week-End drop och spille missen an ech hätt keng 200€ kritt. Wéi domm muss en da sinn ?

Lo, mol zréck bei ons Fannationalekipp. Dir sidd erstaunlëcherwéis nach e Mol als Trainer designéiert ginn. Wéi koum et dozou ?
Männi, et gi Léit déi hëllefen de Blanner iwwert d’Strooss an anerer rette Pinguinen. Ech probéiere Fussballdyslexiker bäizebréngen e Ball ze stoussen. Du misst mol gesi wéi se sech freeë wann se de Ball richteg treffen. Herrlech.

Wéi mengt dir dann datt de Match ausgeet ?
Hues de déi Léit gesinn déi nominéiert sinn ? Mengs de mir hätten eng Chance ? Nee, a grad déi wëlle mir notzen. A se hu besser se katzen nom Match hier Mammemëllech nees eraus !

Zeréck zu iech. Et gëtt gemunkelt dir hätt eng Alkoholskrankhéet. Ech ? Waat soll datt heeschen. Ech si säit 7 Méint drëchen. Ech drénken nëmmen nach DRY Gin ! ( scho grunzt en wéi e Schwäin wat leefeg ass)

Merci fir d’Gespréich a bonne chance fir e Samsdeg

De Kader :

Fabien Olsem, Paul Krier , Dan Frederes , Raym François, Kevin Dechmann, Mich Delleré , Max Wies , Christophe Rehlinger, Sven, Basti Schroeder, Eric Offermann, Gilles Moos,Andy Kil, Marc Goeders, Joe Feller

De Match gett um 11 Auer gespillt. Et ass awer nach net gewosst wou. Wéider Informatiounen komme no.

Share:

De Ludovic Bois am Interview

Allgemeng, M-Block By 6. September 2013 Tags: 1 Comment

Den 10.09.2013 spillt net nemmen ons Nationalequipe géint Nord Irland mä och hier Supporter treffen sech um 14h um Terrain vum US Hostert fir e Futtballsmatch. Den Ludovic Bois, Trainer vun den Lëtzebuerger Supporter, huet sech e bessen Zäit geholl fir huelse.lu.

Huelse :Herr Bois, wéi geet et ärer Equip ? Wéi lafen d’Preparatiounen ?

Ludovic Bois ( LB) : ( dreckt seng éischt vun villen Zigaretten aus) Watt ass datt dann fir eng Fro !? Ech sinn den Trainer dofir kann et nemmen gutt lafen. Jongen Mann, stell wann ech glifft richteg Froën oder ech ginn elo awer a mäi Zumba Cours !

Huelse: ähm, also wéi schätzt dir d’Nord Iren an ?

LB : Grouss, schwéier, lues oder kléng, ronn an extrem lues. Ausser et geet biergof ( lacht iwwert säin eegenen Witz, mir trauen ons net net ze lachen)

Huelse : Erklärt onse Lieser mol ween dir sidd.

LB: Fir déi puer Kulturbanauzen déi mech net sollten kennen, ech hunn den Neururer fir säi Schnurres inspiréiert, ech war mam Gasgoigne an engem Zemmer an der Klinik, war den däitsch Léierer vum Trapattoni an war dem Daum säi Koiffer. Datt ass mol en kléngen Deel vu menger Vita. Donieft hunn ech den FC Café du Coin bis zur Göllen Liewer gecoacht. ( bestellt sech nach e Cola-Wäin a geheit seng Zigarette a mäi Waasser)

Huelse : Datt ass wierklech impressionnant. Watt huet iech dann dozou bewegt d’ Lëtzebuerger Supporter z’iwwerhuelen ?

LB: Ech mengen ech leiden ënnert enger krasser Form vum Helfer-Syndrom. Hu dir d’Equip scho gesinn ? Grausam, den en kritt seng Fläsch mol net mat engem Briquet op ! Do hunn ech him se aus dem Grapp gerappt, de Stopp mat den Zähn erofgeholl, d’Fläsch op Ex gekippt an se dunn widdert d’Mauer geschmass. Den Läppchen soll sech net méi weisse loossen.

Huelse: Wéi gesäit är Taktik dann fir den Dënschden aus ?

LB: Schéin. Wuelgeformt. Stramm. Ganz Stramm fir ieren Alter ( huet de Bléck op der Wirtsfra hieren Decollté geritt). Watt war déng Fro ?

Huelse : Är Taktik fir de Match… Wéi spille mir ?

LB: ( Lacht hysteresch, grunzt, schléit mat den Hänn op den Dësch ) 2 mol 45 Minutten, 11 géint 11 an an kuerze Bochsen !

Huelse: Vill Gléck…

Share:

De ganzen Dag nom Motto “ALLez ROUD”

Allgemeng, M-Block, Nationalekipp By 31. August 2013 Tags: , , , 2 Comments

Den 10 September 2013, Dag vum Retour Lännermatch vun onse Léiwen géint Nord Irland, ginn et fir d’Supporter vun der Nationalequipe am ganzen dräi rendez-vous’en.

Um 14 Auer gett zu Hueschtert am Stade Jos Becker de Fanmatch Lëtzebuerg-Nord Irland ugepaff. Déi Lëtzebuerger Selektioun besteet zum groussem Déel aus deenen Supporter déi am Himatch mat op Belfast waren. D’Iddi vun der Néigebuert vum Fanmatch koum ons do bei engem Pint bekanntem brongem irësche Béier mat onse Géigener vun engem Owend.

20130831-075143.jpg

20130831-080226.jpg
An der Vergangenheet koum et schonn déi eng oder aner Kéier zu engem Fan Match zweschen Supporter ( ënner anerem Wales a Liechtenstein) mä leider sinn déi Matcher zimlech rare ginn.
Eng bont gemeschten Equipe aus Supporter aus dem M-Block, der Tribune de Face an natierlech ass och HUELSE.LU derbei, probéiert bei dem Match de Gronnsteen fir eng Serie vu Victoiren ze leeën.
Den Entrée ass fräi an den US HOSTERT mecht natierlech och hier Buvette op. Flott Stëmmung ass garantéiert.

Watt wär en Lännermatch während der Fouerzäit ouni de bekannten “Apéro op der Fouer” ? Nom Fanmatch treffen sech d’Lëtzebuerger Supporter dann fir e Patt op der Fouer. D’Astëmmen fir den Lännermatch ass dann um Héischpunkt. Traditionnel sinn d'”Fouermatcher” déi beléifsten bei den Supporter. Wann dir iech froot firwat datt de Fall ass da kommt lanscht ! Géint 17h30 Auer wäert et um Glaçis las goën.

Als ultimativen Héijpunkt gëllt awer natierlech de Lännermatch Lëtzebuerg-Nord Irland. Den Hi-Match war mat engem 1-1 zu Ënn gangen. Den Dan Da Mota hatt deemols mat engem ofgefälschtem Schoss de Gol zum Gläichspill geschoss an fir vill Freed am lëtzebuerger Camp gesuergt.

20130831-075838.jpg
Packen ons Léiwen et dës Kéier och e positivt Resultat géint “Norn Iron” ze erspillen ? Mam Support vun dausenden Lëtzebuerger wier et méiglech. Dofir ruffen mir all Frënn vum ronne Ball an der Nationalequipe op dem Lännermatch e flotten Stëmpel opzedrecken. Tréi nom “ALLez ROUD” Motto si der gebieden den Dag all mat engem Rouden Trikot vun der Nationalequipe oder neutralem roude Pullover, Hierm oder T-Shirt op d’Arler Strooss ze kommen an et krachen ze loossen.
Nieft dem Lännermatch ass et och den 5 järegen Gebuertsdag vun onser Victoire an der Schwäiz.

20130831-080019.jpg

Share: