Browsing Tag

Lëtzebuerg

Nünndüdjü!

Match Reports, Nationalekipp By 31. März 2015 Tags: , No Comments

Lëtzebuerg verléiert duerch en ofgefellschte Schoss an der 86 ‘ mat 1-2 géint Tiirkei.

Mehmet Ekici a Ben Payal am Loftkampf

Mehmet Ekici a Ben Payal am Loftkampf

Déi éischt Minutten hatten fir ons Léiwen nach net gutt ugefangen. Ons Spiller sinn net richtëg an de Match komm an hunn richtëg nervös gewierkt. De ganzen Zirkus nom Match an der Slowakei hatt seng Spueren hannerloss an d’Tiirken hunn schnell dovunner profitéiert. An der 5ter Minutt lobt den Erding de Joubert an scho stoung et 0-1.

Och an de Minutten duerno hunn d’Gäscht wéider Drock gemeet an et huet e scho gefaart datt et e batteren Owend géif ginn.

 

Grouss Freed nom 1:1 vum Mario Mutsch

Grouss Freed nom 1:1 vum Mario Mutsch

D’Nationalekipp huet sëch awer gefangen an de aball ass besser an onse Réihe gelaf. Lues a lues huet e gemierkt datt d’Léiwen de Géigener an de Grëff kreien an datt mir e Gol schéisse kéinnten. Watt de Mutsch dunn an der 30ter Minutt mat engem stramme Schoss gemeet huet.

An der Nospillzäit servéiert de Jans ( deen e fantastësche Match gemeet huet) bal de Joachim an de Ball gett just lanscht.

Mam 1-1 ass et dunn an d’Paus gangen.

Nom Pausentéi hunn d’Gäscht wéider no vir gespillt an mir hunn probéiert mat Konterakktiounen ze stiechen.

An der 67′ war et och bal esou wäit. Den Aurélien Joachim gëtt gescheckt a säi Schoss gëtt vum Golkeeper in extremis ofgewiert.

D’Tiirke bleiwwen meeschtens, bis op eng wonnerbar erausgespillten Aktioun am Ufank vun der zweeter Halschent, duerch Standartsituatiounen geféierlëch.

Hun allebéid getraff: Hakan Calhanoglu a Mario Mutsch

Hun allebéid getraff: Hakan Calhanoglu a Mario Mutsch

Bis zur 86′ , wou dem Calhanoglu säi Schoss dem Chanot säi Réck fënnt an dunn onhalbar an d’Netz flitt.

Schued e Gläichspill wier dra gewiescht.

Lëtzebuerg (4-1-4-1): Joubert; Jans, Schnell, Chanot, Malget; Philipps (74e Deville); Da Mota (77e Laterza), Payal, Gerson, Mutsch (cap.); Joachim.

 

Supportertechnësch war de Match eng Entäuschung op Lëtzebuerger Säit, déi lescht Deeg mam entäuschendem Match géint d’Slowaken, de “Sträit Holtz-Philipp”, déi onnéidëg “Journalistenaffaire” an sécherlech och datt schlecht Wierder hu vill d’Zuschauer verdriwwen.

Schued well haut waren ons Jongen nees richtëg gutt.

 

 

Share:

Unbelievable !

Match Reports, Nationalekipp By 11. September 2013 Tags: , , , No Comments

“Unbelievable” dat muss sech esou much Nord Ireschen Supporter gëschter Owend gesott hunn wéi se gesinn hunn wéieent fussballerëscht Féierwierk ons Nationalequipe gezündt huet an wéi hier Green and White Army un d’Mauer gespillt ginn ass. Net nëmmen déi gutt 1200 matgereesten Fans si sech wéi an enger anerer Welt virkomm mä och déi vum Roude Leiw konnten hieren Aan net gleewen. Wéini huet en esoueng dominant Lëtzebuerger Nationalequipe gesinn ? Am leschten Heemmatch géint Litauen hatten dem Holtz seng Männer schonn zwee Gäng no fir geschallt mä géint Nord Irland gouf iergendeen “Nitrobooster” gedreckt. Fantastësch!
WM-Qualifikation Luxemburg - Nordirland
Eng éischt Halschent wou déi 4400 Zuschauer nëmmen eng Equipe gesinn hunn mä trotzdem ass e Goal op béide Säite gefall. D’Gäscht waren esouguer géint de Laf vum Spill an der 14ter Minutt a Féierung gangen. De Patterson hatt den Jans um falschen Fouss erwescht an de Joubert mat engem Wäitschoss iwwerwonnen. Virdunner hatten nemmen déi Roud Leiwen hier Zänn gewissen an mam Lars Gerson sengem Kappball an der scharfer flacher Flank vum Da Mota op den Bensi hätt den 1-0 scho falle missen. Et ass duerno awer mam Lëtzebuerger Festival wéidergangen. E Fräistouss vum Bensi war nach knapps lanscht gangen a säi Wäitschoss konnt de Carroll nach parieren. Duerno huet de Gerson d’Latt mat engem flotte Schlenzer getraff eh den Joachim eng Konterchance an der Nospillzäit zum 1-1 erageschoss huet. Et wier och nëmmen ongerecht gewiescht wann ons Equipe mat engem Réckstand an d’Vestiaire gange wier.
WM-Qualifikation Luxemburg - Nordirland
Lëtzebuerg huet och nom Pausentéi weider Damp gemeet an d’Nordiren an hier Halschent gedreckt. An der 56′ hatt den Carroll dunn eng Réckpass mat den Hänn ugehall. Den Bensi huet de Schoss knapps lanscht de Poto gesaat an hatt puer Minutten drop nach eng Goalméiglechkeet.
Dunn hunn d’Nordiren fir eng gutt 10′ d’Heft an d’Hand geholl an ons Männer ënner Drock gesatt. An der 69′ huet den McKay eng Riesechance mä trefft nëmmen d’Aussennetz.
D’FLF-Selektioun huet dunn awer eng zweet Loft krutt an an der 78′ leet den agewiesselten Luisi de Ball mat der Broscht op den ominpräsenten Bensi, deen sech dann aus 25 Meter en Häerz hëllt an mat engem platzéierten Schoss dem Carroll kéng Chance léist. Den 2-1 léisst de Stadion explodéieren an déi schonn ganz gutt Stëmmung kacht iwwer. Onméiglech watt 3000 Zuschauer ferdeg brengem wann de Fonken vun der Equipe op d’Räng eriwwer spréngt.

WM-Qualifikation Luxemburg - Nordirland
2 Minutten drop koum dunn déi kaal Douche. E Fräistouss vun der rietser Zäit fënnt de Kapp vum McAuley an deen léisst d’Lëtzebuerger Netz zidderen. Mä “Red Army” huet hier Waffen net falle geloss an se hunn sech mam Gläichspill net zefridde ginn.
Schlag op Schlag goung et wéider. Nodeems de Joachim dem Luisi de Ball um Plateau servéiert huet, huet dëse eng Gretz ze lang gezögert an verpasst eng grouss Méiglechkeet fir e Goal ze scheissen.
WM-Qualifikation Luxemburg - Nordirland
An der 87 Minutten behällt den Jänisch no engem Corner den Iwwerbléck a setzt mam lenken Ausserëss, aus kuerzer Distanz, de Ball eran. 3-2 !!!!

An der Nospillzäit geschitt näischt geféierleches méi an zum Schluss gewannen déi Roud Leiwen verdéngterweis géint Nord Irland. Eng kollektiv, offensiv, kämpferësch Glanzleeschtung. D’Zäiten wou d’Roud Leiwen sech vun x-beliebigem zähmen loossen sinn endgültëg eriwwer.

d’Goaler am Video

Share:

“Russëschen Standart”

Match Reports By 6. September 2013 Tags: , 2 Comments

No 20 Sekonnen hatt et scho geschëllt. No engem vum Philipps verluerenen Kappballduell an engem Stellungsfeeler vum Jans land de Ball beim Kokorin an deen lobt de Ball iwwert de Joubert.

Den Luc Holtz hatt eng offensiv ausgerichten Nationalequipe op d’Gras gescheckt an d’Spill no fir hatt nawell zimlech gutt geklappt. Och nom schnellem Schlag vun der russëscher Meul.
No enger kuerzer mä intensiver Drockphas vun der Heemequipe krutten d’Leiwen ëmmer méi vum Spill. Ënnert dem Impuls vun engem staark opspillendem Bensi hu sech ons Jongen dunn och e puer Goalchancen erausgespillt.
Wou sech d’Hoffnung am lëtzebuerger Camp ugefangen huet breed ze maachen, huet de Bier nees zougeschloën. An der 36′ verwert den Kokorin mam Kapp e Fräistouss. De Schottëschen Arbitter hatt de Russen dese Fräistouss no engem imaginärem Feeler vum Payal zougesprach. De Mann a Schwarz huet bei der eng oder anerer Situatioun net ganz glécklech ausgesinn. Eng Minutt vrun déier Aktioun hätt hien och en Elefmeter fir e Feeler um Da Mota päiffen kennen.

Mat 2-0 goung et och an d’Paus. D’Sborjana ass awer mat vill Drock zréck op den Terrain komm an wollt den 3-0 och schnell marquéieren. An der 60ter Minutt war et dunn esou weit an den Kerzhakov huet eng weider Standartsituatioun eragekäppt. D’Zonenverteidegung huet zu Kazan net geklappt. Déi rouend Bäll bleiwwen e grousse Risiko fir ons Hannerléit.

Wou dem Capello seng Männer e bessen nogelooss hunn hatten d’Lëtzebuerger ëmmer méi Aktiounen. Onermiddlëch hu se no vir gespillt an probéiert en Éieregoal ze scheissen. Datt ass dunn och, no munch geféierlecher Aktioun, dem Joachim gelongen. An der 90ter vollend hien e flotten Sololaf vum Luisi.
An den 3 Minutten Nospillzäit wollten d’Lëtzebuerger dunn de Score weider verscheineren an sinn äiskall ausgekontert ginn. Kuerz vrum Schlusspaff huet den Samedov de véierte Goal fir säi Land geschoss.

Eng verdéngten Néierlag déi awer e Goal ze héij ausfällt. Wann een esou well kann een vun engem gudden Test fir de Match géint Nordirland schwetzen. Géint déi 16sten stärkst Fussballnatioun war net méi dran mä déi spilleresch flott Aktiounen am Spillobbau vun hannen eraus maachen Hoffnung op en positivt Resultat um Dënschden.

Share: