No senger éischter Nominéierung fir d’A-Nationalekipp werft de 16 Joer jonke Christopher Martins Pereira een Dag virum Lännermatch d’Handduch. D’Ursaachen dofir sin zum Deel hausgemaacht.

Fir ee regelrechten Hype haat den Nationaltrainer Luc Holtz gesuergt, wéi en dat jonkt Talent, dat no der Saison an d’Fussballsschoul vum Olympique Lyon wiesselt, an de Kader fir d’Begéignungen mat Saarbrécken, Aserbaidschan a Finnland beruff huet. D’Medien hu vu soss naischt méi bericht. All wollten se een Interview mam zukünftege Shootingstar, deen déi lëtzebuerger Fussballsschoul duerchlaf as an an den Jugendnationalekippen schon zum Asaz koum. De Luc Holtz huet dat richtegerweis verhënnert, fir hien net ze iwwerfuederen.

Hun de Martins mat ausgebildt: FLF-Jugendkoordinator Reinhold Breu a Nationaltrainer Luc Holtz

Hun de Martins mat ausgebildt: FLF-Jugendkoordinator Reinhold Breu a Nationaltrainer Luc Holtz

Wat hien net konnt verhéieren, war dat, wat an deene läschten Deeg an verschiddenen Zeitunge geschriwwe gouf an wat wahrscheinlech ee groussen Deel dozou baigedroën huet, dass de Martins um Spillbou gëschter Owend géint Aserbaidschan gefehlt huet. Haaptthema war seng duebel Nationalitéit: de Lëtzebuerger huet nämlech och nach ee kapverdianesche Pass a kéint deemno och nach fir den afrikaneschen Inselstaat oplafen. Kritt Lëtzebuerg een zweete “Fall Pjanic”? Dat war d’grouss Suerg vun verschidde Medien – mee wa si dat net an deem Emfang thematiséiert hätten, wier et vlait net zu dësem – aus lëtzebuerger Siicht – Worst Case komm.

Do gouf de Ronny Souto, kapverdianischen Nationalspiller aus der BGL Ligue, kontaktéiert, dee soot, en hätt seng Federatioun doriwwer informéiert, dass hinnen hei eventuell een Talent virun der Nues ewechgeholl géif gin. Kann een dem Souto ee Virworf maachen? Ech denken net, jiddereen hätt sou am Interet vu sengem Fussballsverband gehandelt. Hätt eng Zeitung awer onbedéngt missen d’kapverdianesch Federatioun kontaktéieren fir nozefroën, an domat erauszefuederen?

Sëcher kenne mir net all d’Hannergrënn vum Christopher Martins senger Decisioun. Mee et as unzehuelen, dass duerch dee ganze Rummel em seng Persoun him a sengem Entourage déi ganz Problematik eréischt bewosst gin as. Wéi soss as et ze erklären, dass de Jong am Gespréich mam Nationaltrainer virun e puer Dee nach zougesot huet, dass e wéilt fir Lëtzebuerg spillen?

Nach as jo nët alles verluer, a vlait as sain Debüt bei de “grousse” roude Léiwen just “verschoben” an net “aufgehoben”. Trotzdem kéint et hei alt erem sou goën, dass ee jonkt Talent vun der FLF ausgebild an ennerstëtzt gouf, an der Federatioun trotzdem duerno de Réck dréint. Et wier gudd, wann de Jong elo mol eng Zaitche vun der Öffentlechkeet a Rou geloos gett an sëch iwwerleeë kann, wat hie schlussendlech well. D’Federatioun wäert sëcherlech dohannert bleiwen fir hien ze behalen. Wann et awer lo sollt – wéi am Fall Pjanic – zu iwwerdriwwene Fuederunge kommen, däerf d’Federatioun sëch awer och net op der Nues ronderem danze lossen an hie goe lossen – well ee bei allem Talent een Trikot vun enger Nationalmannschaft aus Iwwerzeegung soll droën, an net aus finanzielle Grënn.

Share: